«Реал» ярим ҳимоячиси Каземиро Диего Симеоненинг «Атлетико»даги ишига юқори баҳо берди.
"Симеоненинг "Атлетико" билан қилган ишлари футболга алоқадор барчанинг ҳурматига лойиқ. Эль Чоло клубни ўзгартирди. Ундан олдин бу битта жамоа эди, ҳозир бутунлай бошқача.
Ҳозир "Атлетико" Испания чемпионати ва Чемпионлар лигасида ғалаба учун курашмоқда. Мен унга катта ҳурмат билан қарайман”, - деди бразилиялик футболчи.
Симеоне 2011 йилдан буён Мадриднинг «Атлетико» клубини бошқариб келади ва Ла Лига (икки марта), Испания кубоги ва Суперкубоги, Европа лигаси (икки марта), Европа Суперкубоги (икки марта) ғолиби бўлган ва икки марта Чемпионлар лигаси финалига чиққан.
