«Манчестер Сити» бош мураббийи Пеп Гвардиола Эрлинг Холанднинг трансфери ҳақида фикр билдирди.

Дортмунднинг «Боруссия» клуби ҳужумчисига «шаҳарликлар» ва «Реал» жиддий қизиқиш билдирмоқда.

“Жамоага келганимдан бери ҳар ой 50 нафар янги футболчи билан шартнома имзолашимиз ҳақида гапиришади.

Қаранг, ҳозир мен бегона жамоадаги футболчини муҳокама қилишни тасаввур қила олмайман. У ҳозир «Боруссия»да. Бизни эса ажойиб ўйинлар кутиб турибди. Мавсум охирида трансфер ойнаси очилади, кейин эса кўп нарса содир бўлиши мумкин.

Мен ўтган йили бир марта бизга кейинги 5-7 йил учун ҳужумчи кераклигини айтган бўлишим мумкин, аммо мен муваффақият ёки омадсизликни ҳужумчимиз бор-йўқлиги билан боғлайдиган одам эмасман”, деди Гвардиола.