Италиянинг «Болонья» клуби чап қанот ҳимоячиси Аарон Хикига АПЛнинг етакчи клублари қизиқиш билдиришмоқда.

19 ёшли шотландиялик футболчи А Серияда муваффақиятли мавсумни ўтказмоқда ва бу Премьер-лиганинг топ-клублари эътиборини тортмоқда. 90min маълумотларига кўра, Хикини «Манчестер Юнайтед», «Манчестер Сити», «Ливерпуль», «Челси», «Арсенал» ва «Тоттенхем» ҳамда бир қатор пастроқ мақомдаги Премьер-лига клублари диққат билан кузатиб бормоқда. Яқинда Шотландия терма жамоасига илк чақирувини олган ёш қанот ҳимоячисини Англиядан келган скаутлар мунтазам кузатиб боришмоқда.

Аарон Хики Италия А Сериясида 26 та ўйинда майдонга тушган. Унинг ҳисобида 4 та гол ва 1 та голли узатма бор.