Италиянинг «Милан» клуби «Лилль» ҳимоячиси Свен Ботман учун курашда етакчилик қилмоқда, дея хабар тарқатмоқда Tuttosport.
"Милан" 22 ёшли нидерландиялик футболчи билан музокараларнинг навбатдаги босқичини бошлади.
Ботман ёзги трансфер ойнасида ҳозирги жамоасини тарк этиши кутилмоқда. Футболчига «Ньюкасл» ва «Тоттенхем» клублари ҳам қизиқиш билдирмоқда.
А Серия жамоаси голландиялик футболчи билан анчадан бери музокара олиб бормоқда. Бироқ, асосий омил барибир Чемпионлар лигасида ўйнаш бўлиб қолмоқда. Бу учликдан Ботманга бундай имкониятни тақдим этиши мумкин бўлган ягона клуб - «Милан».
Ботман жорий мавсум Франция чемпионатида 21 та учрашув ўтказиб, 3 та гол киритди ва 1 та голга ҳаммуаллифлик қилди.
