Italiyaning «Milan» klubi «Lill» himoyachisi Sven Botman uchun kurashda yetakchilik qilmoqda, deya xabar tarqatmoqda Tuttosport.
"Milan" 22 yoshli niderlandiyalik futbolchi bilan muzokaralarning navbatdagi bosqichini boshladi.
Botman yozgi transfer oynasida hozirgi jamoasini tark etishi kutilmoqda. Futbolchiga «Nyukasl» va «Tottenxem» klublari ham qiziqish bildirmoqda.
A Seriya jamoasi gollandiyalik futbolchi bilan anchadan beri muzokara olib bormoqda. Biroq, asosiy omil baribir Chempionlar ligasida o‘ynash bo‘lib qolmoqda. Bu uchlikdan Botmanga bunday imkoniyatni taqdim etishi mumkin bo‘lgan yagona klub - «Milan».
Botman joriy mavsum Fransiya chempionatida 21 ta uchrashuv o‘tkazib, 3 ta gol kiritdi va 1 ta golga hammualliflik qildi.
