Испания терма жамоаси бош мураббийи Луис Энрике нима учун «Манчестер Юнайтед» дарвозабони Давид Де Хеани йиғинга чақирмаганига изоҳ берди.
Де Хеа ўрнига терма жамоа йиғинига «Брентфорд» дарвозабони Давид Райя таклиф этилди.
Manchester Evening News хабарига кўра, Энрике Давид Райяни чақириш ҳақидаги қарори унинг ўйин услубига асосланганлигини таъкидлаган ва бу энди Де Хеага ишончсизлик билдирилаётганини кўрсатади.
Эслатиб ўтамиз, Унаи Симон бир неча ойдан бери Испания терма жамоасининг асосий дарвозабони бўлиб келмоқда.
2020 йилнинг октабридан буён бу дарвозабон Испаниянинг 21 ўйинидан 20 тасида майдонга тушиб, Евро-2020 мусобақасида жамоанинг биринчи рақамли посбонига айланди.
