"ПСЖ" клуби ҳимоячиси Маркиньос чемпионат доирасида «Монако» (0:3) жамоасидан қабул қилиб олинган мағлубият ҳақида фикр билдирди.

«Бу фалокат, қабул қилиш қийин бўлган мағлубият. Мавсумдаги энг ёмон ўйинимиз. Биз футболдан завқланиш ва ғалаба қозониш учун келганмиз. Бизда ҳозир қийин давр ҳукмронлик қилмоқда. Вазиятдан чиқиш йўлини топиш учун ҳаммамиз биргаликда ҳаракат қилишимиз керак. Биз таслим бўлмаймиз.

«Реал» жамоаисга қарши ўйиндан умидимиз катта эди. Мағлубият бизни қаттиқ ранжитди. Аммо энди бизда ҳал қилиниши керак бўлган бошқа вазифалар ҳам бор. Тўғри муносабатда бўлишимиз ва бор кучимиз билан меҳнат қилишимиз керак. Агар бугунгидек ўйин кўрсатишда давом этсак, чемпионлик сўроқ остида қолади. Бу огоҳлантиришдир», - деди Маркиньос.