«Манчестер Сити» бош мураббийи Пеп Гвардиола жамоасининг Англия кубоги 1/4 финалида «Саутгемптон» устидан қозонилган ғалаба (4:1) ҳақида фикр билдирди.

«Биз биринчи бўлимни яхши бошладик, дастлабки 20-25 дақиқада яхши ўйнадик. Биринчи бўлимнинг сўнгги 15 дақиқасида биз ўйнашни унутиб қўйдик. "Саутгемптон" - энг яхши ва уюшқоқ жамоалардан бири. Улар бизни ақл бовар қилмайдиган шиддат билан прессинг қилишди. Иккинчи бўлимда эса характер жиҳатидан ҳам, ўйинда ҳам ўзимизнинг ўйинни намойиш этишни бошладик. Бу ноқулай ғалаба бўлди, аммо ҳозир танаффус бўлади, шундан сўнг биз учта турнирда иштирок этишда давом этамиз", - деди Гвардиола Sky Sports билан суҳбатда.