"Барселона" сардори Карлес Пуйоль чемпионлар лигаси ярим финалида "Челси"га қарши кечадиган жавоб учрашуви ҳақида фикр билдирди.

"Биз чемпионлар лигаси ўйинида диққатимизни жамлашимиз керак. Финалга чиқишимиз учун имкониятимиз бор, бунинг учун ғалаба қозонишимиз даркор. Ўйлашимча, "Челси" ҳам "Реал" каби қарши ҳужумда ўйнаса керак. Шунинг учун ҳимояда эҳтиёткор бўлишимиз ва ҳужумда ишончлироқ тўп суришимиз керак.

Ҳа, биз финалда "Реал" билан тўқнашишимиз мумкин, аммо бу ҳақда ўйлашга эрта", - дея Пуйольнинг сўзларини келтиради "блаугранас"ларнинг расмий сайти.