Ўзбекистон миллий терма жамоаси ва Бокунинг "Нефтчи" клуби ҳужумчиси Баҳодир Насимов "Хазар-Ланкаран"га қарши учрашувдан кейин ўйин борасида фикрларини билдириб ўтди. Унинг фикрича ўйиндаги ҳисобга ҳакамнинг ҳиссаси катта бўлган экан.

Майдонда узоқ вақт қола олмаганим ва жароҳат олганимдан жуда афсусдаман. Тушунмайман нега бундай савиядаги, муҳим учрашувларда Элчин Мамедовни бош ҳакам қилиб қўйишади? Икки тур олдин бу ҳакам "Хазар" ва "Интер" жамоалари ўртасидаги учрашувда жуда қўпол хатога йўл қўйганди. Бу ҳакамнинг "Интер" фойдасига ишлаганини ҳамма билади".

"Шундай муҳокамалардан кейин ҳам "Нефтчи" ва "Хазар" жамоаларининг ўта муҳим учрашувига уни тайинлишибди. Натижада унинг улуши катта бўлди. Биз нафақат бу ўйинни бой бердик, балки кейинги учрашувда ҳам руҳий жиҳатдан "синган" ҳолда борадиган бўлдик", дейди Баҳодир Насимов клуб расмий сайтига берган интервьюси чоғида.