Италия матбуотининг ёзишига қараганда, «Ювентус» «Ливерпуль» ҳужумчиси Муҳаммад Салоҳни ўз сафига қўшиб олиш борасида жиддий иш тутишни режалаштирмоқда.
Мисрлик футболчининг шартномаси 2023 йилда тугайди ва унинг амалдаги шартномасини узайтириш бўйича музокаралар ҳозирча муваффақиятсизликка учради. Il Corriere della Sera нашри хабарига кўра, у жамоани тарк этиши кутилаётган Дибалани ўрнини босиши кутилмоқда. Бироқ, «Ливерпуль» шу йилнинг ёзида ўз ҳужумчисини сотиш ниятида бўлмасада, "Ювентус" "қизиллар" билан муроса қилмоқчи.
"Юве" Дибаланинг ўрнига вингер ёки янги марказий ярим ҳимоячи қидиради. Жоржиньо, Сергей Милинкович-Савич ва Поль Погба каби футболчилар ҳам келаси мавсумда аргентиналик футболчининг ўрнини босиши мумкин.
