La Gazette dello Sport хабарига кўра, Маурицио Саррининг "Лацио"даги келажаги сўроқ остида.
Якшанба кунги Рим дербисидаги 0:3 ҳисобидаги мағлубият клуб раҳбариятида хавотир уйғотди. Бошқа томондан, Сарри ҳам клубда қолишига шубҳа қилмоқда. Мураббий январь ойидаги трансфер кампаниясидан норози эди ва ёзда кучайишни кутмоқда.
"Ювентус", "Наполи" ва "Челси"нинг собиқ бош мураббийи 2021 йилда икки йиллик шартнома имзолаган ва у шартномасини 2025 йилгача узайтириши ҳақида хабарлар тарқалган эди. Бироқ, томонлар янги шартномани муҳокама қилиш учун тез орада учрашишлари кутилмаяпти. Саррида май ойига қадар “Лацио” билан шартномасини бекор қилиш имконияти бор.
