Германия терма жамоаси дарвозабони Мануэль Нойер аллақачон жаҳон чемпионлигини қўлга киритган, аммо у яна бир чемпионликни истайди ва бу Қатарда ўзини оқлашига ишонади.
«Терма жамоа либосида майдонга тушиш ҳар доим шараф бўлган. Бу ёз биз учун анча муҳим бўлади, Миллатлар Лигасидаги иштирокимиз кўп нарсага аниқлик киритади.
Мен иштирок этган ҳар бир турнирда ғалаба қозонишни хоҳлайман. Мен яна жаҳон чемпиони бўлишни хоҳлайман.
Умуман олганда, 2024 йилгача терма жамоада ўйнашим мумкин, шунинг учун ҳозир ғалаба қозонишни хоҳлардим.
Мен шундай буюк жамоада ўйнаганимдан фахрланаман», - дейди Нойер.
