Germaniya terma jamoasi darvozaboni Manuel Noyer allaqachon jahon chempionligini qo‘lga kiritgan, ammo u yana bir chempionlikni istaydi va bu Qatarda o‘zini oqlashiga ishonadi.

«Terma jamoa libosida maydonga tushish har doim sharaf bo‘lgan. Bu yoz biz uchun ancha muhim bo‘ladi, Millatlar Ligasidagi ishtirokimiz ko‘p narsaga aniqlik kiritadi.

Men ishtirok etgan har bir turnirda g‘alaba qozonishni xohlayman. Men yana jahon chempioni bo‘lishni xohlayman.

Umuman olganda, 2024 yilgacha terma jamoada o‘ynashim mumkin, shuning uchun hozir g‘alaba qozonishni xohlardim.

Men shunday buyuk jamoada o‘ynaganimdan faxrlanaman», - deydi Noyer.