"Кристал Пэлас" ҳимоячиси Тайрик Митчелл Англия терма жамоасига илк марта чақирув олган эди. Футболчи бу ҳақида шундай дейди:
"Бу орзулар рўёби. Мен мақсадимни бу қадар тез содир бўлади деб ўйламаган эдим. Шу сабаб ҳозирда осмонларда учиб юрибман десам, янгишмайман. Менга шанба куни хабар келди. Қарасам, чақирув келган. Бунга ишонгим келмади ва ўзимни йўқотиб қўйдим. Мен ўз онамга бу хабарни айтишга шошилмадим. Эълон қилингунича кутдим. Англиянинг шарафини ҳимоя қилишим, онамнинг бир умрлик орзулари эди".
