"Барселона"нинг испаниялик ярим ҳимоячиси Педри журналистларга бир неча йил олдин "Реал"га ўтиши мумкинлигини айтди.

Педрининг айтишича, мадридликлар уни ўз машғулотларига таклиф қилишган, аммо "қаймоқранглилар" мураббийлар штаби ярим ҳимоячининг савияси "Реал Мадрид"га тўғри келмаслигини айтишган. 19 ёшли испанияликнинг таъкидлашича, ҳеч ким рад этилишни ёқтирмайди, бироқ ҳозир у бундан хафа эмас ва ўзи учун қулай бўлган жамоада тўп тепаётганидан бахтли. 

Эслатиб ўтамиз, жорий мавсумда Педри Испания чемпионатида 10та ўйинда майдонга тушиб, битта гол ва битта голли узатмага муаллифлик қилган.