Португалия терма жамоаси ҳужумчиси Диогу Жота Жаҳон Чемпионати-2022 мусобақаси учун плей-офф босқичи доирасидан жой олган Туркияга қарши баҳс олдидан ўз фикрларини билдириб ўтди.

"Туркия сиз ўйлагандек осон рақиб эмас. Улар Нидерландиядан кейин иккинчи ўринни эгаллашди ва битта баҳсда ғалаба қозонишди. Бу финалдек ўйин бўлади ва умид қиламанки, Португалия майдонда Туркиядан яхшироқ эканлигини исботлайди.

Биз ушбу ўйинга жавобгарлик ҳисси билан киришимиз керак, лекин бунга жуда катта эътибор қаратмаслигимиз лозим. Бу футбол баҳси. Ўйлайманки, мазкур ўйинда ғалаба қозона оламиз ва биз финалга бориш учун сифатларга эгамиз. Эътиборимиз Жаҳон чемпионатига йўлланма олишга қаратилган. Бошқа ҳеч нарса ҳақида ўйламаяпмиз.

Туркия осон рақиб эмас, лекин Португалия ғалаба қозониши учун барча нарсага эга. Жамоа имкониятлардан тўлиқ фойдаланиши учун самарали ҳаракат қилиши лозим. Шунингдек, Жаҳон чемпионатига чиқишимиз учун яхши жамоавий руҳиятни сақлаб қолишимиз керак. Гол уриш муҳим, аммо рақибларга имконият қолдирмаслик ҳам алоҳида аҳамият касб этади".

Португалия терма жамоаси бош мураббийи Фернанду Сантуш: "Эртага қандай ўйнашимиз кераклиги ҳақида бор эътиборимни қаратганман ва биз нима қилиш кераклигини биламиз. Жамоанинг эътибори жуда юқори ва катта мотивацияга эга. Биз жавобгарлигимиз туфайли шу ерда эканлигимизни биламиз ва буни бошиданоқ ўз бўйнимизга оламиз. Ғалаба қозонишимиз ва Жаҳон чемпионатига чиқишимиз керак ва эътиборимиз эртага бўладиган Туркияга қарши ўйинга қаратилган".

Туркия терма жамоаси устози Стефан Кунтз: "Жамоа бизга керак бўлган руҳий кучга эга эканлигимизни кўрсатиб берди. Жамоа руҳияти ҳам ёрдам беради. Бир қанча қийин ўйинларни ўтказдик, аммо ғалаба қозондик. Ҳисобда ортда қолиб ҳам ғалаба қозона оламиз. Биз тўғри йўналишда кетяпмиз".

Эслатиб ўтамиз, Португалия - Туркия баҳси бугун Тошкент вақти билан 00:45 да бошланиши режалаштирилган.