"ПСЖ" ярим ҳимоячиси Леандро Паредес "Рома"га қайтиши мумкин. Calciomercato нашри хабарига кўра, "бўрилар" бош мураббийи Жозе Моуриньо мазкур трансферни раҳбариятдан талаб қилмоқда.
Хабарларга кўра, ҳозирда Рим клуби бош директори Тиаго Пинтани Парижда бўлиб турибди. Унинг Франция пойтахтида 27 ёшли аргентиналик футболчининг агенти билан учрашгани айтилмоқда.
Паредес олдин “Рома”да икки мавсум тўп сурган. Унинг "ПСЖ" билан шартномаси 2023 йилнинг июнида якунига етади. 2021/22 йилги мавсумда аргентиналик парижликлар сафида барча мусобақаларда 21 та ўйин ўтказиб, битта гол ва иккита голли узатмани амалга оширди.
