Аввало, "Барселона" "Камп Ноу"даги жавоб учрашувига 1:0 ҳисобидаги ғалаба билан келса бўладиган жамоалар тоифасига кирмайди.

Албатта, финалчи номи 90 дақиқа ичида ҳал бўлади. Чунки "Барселона" 1:0 ҳисобидаги ғалаба билан чекланиб қолмайди. "Камп Ноу" майдонининг эни 70 метр эканлиги ҳам мезбонлар фойдасига ишлайди. Ярим финални туркиялик, нисбатан тажрибасиз ҳакам бошқараётганидан ҳам мезбонлар фойдаланиб қолишса керак. Чунки дастлабки ўйинда Дрогба каби ўйинчилар кўп танқид қилинди ва энди бундай ўйнашга жазм этолмаса керак.

Чемпионлар Лигасининг кейинги 11 та турниридан 9 тасида "Челси" ярим финалгача етиб келгани, шубҳасиз, жамоада турнир стратегияси жиҳатидан катта тажриба тўпланганини англатади. Лекийн уларнинг бор-йўғи 1 марта финалга чиққани ҳал қилувчи учрашувларда керакли натижани қўлга киритишда оқсаш борлигини намоён этмоқда.

"Барселона"нинг сўнгги учрашувларда ўткир қарши ҳужумларни ўтказиб юбораётганини ҳисобга олсак, "Челси" жавоб учрашувида ҳам 1 та гол киритади. Бу ҳолатда "Барселона" учта гол киритишга маҳкум бўлади ва ана шунча голлар "Челси" дарвозасидан ўрин олади, деб ўйлайман — 3:1.