Одатда, муҳим ўйинлардаги мағлубият (умуман ҳар қандай мағлубият) жамоа руҳиятига салбий таъсир кўрсатса, "Барса" эса аксинча - мағлубиятдан куч олади. Шунинг учун каталонияликларни бугун яраланган шер қиёфасида кўрамиз. Шер эса ҳеч нарсадан қўрқмайди ва таваккал қилади.
"Реал" билан ўйинда Гвардиола шогирдлари айнан шундай таваккалчилик етишмади. Ҳаддан ташқари аниқ ўйнашга интилишди. Боиси, уларнинг йўқотадиган нарсалари бор эди, ўша ўйинга чемпионлик масаласи тикилганди. Пайдо бўлган руҳий босимни енгиб ўта олишмади.
Бугунги ўйинда эса "Барселона"нинг йўқотадиган нарсаси деярли қолмаган. "Челси"да йўқотадиган нарса бор. Шунинг учун лондонликлар бугун фақат 0:0 учун ўйнайдилар. Эътибор беринг, дуранг демаяпман, айнан 0:0. Сабаби, "Барса" бугун 1та гол урадиган бўлса, жамоани тўхтатиб қолиш жуда ва жуда қийин бўлади. Бугунги ўйиндан нима кутяпман: 10 кишилик ҳимояга қарши "Барса"нинг тиш тирноғи билан курашади. Бошқа нарса эмас. Бу ҳолат голгача давом этади. Гол бўлмаса, ўйин охирига қадар.
Ўйиндан олдин жамоаларнинг имкониятлар: 0-100 — "Челси" фойдасига. Бир жамоа ўйинни ҳисобдаги устунлик билан бошлайдиган пайтда имконият ҳақида гапиришнинг ўзи ортиқча. Боз устига, "сафарда урилган гол" деган нарсалар ҳам бор.
Финалга қайси жамоа чиқишни тахмин қилиб кўраман: ўйиннинг асосий вақти 1:0 ҳисобида "Барселона"нинг фойдасига ҳал бўлади ҳамда қўшимча бўлимлар ёки пенальтилар сериясида майдон эгаларининг қўли баланд келиб, биринчи финалчига айланишади.
