Франциялик собиқ ярим ҳимоячи ва УЕФАнинг собиқ президенти Мишель Платини ўз мамлакати терма жамоасидаги ҳозирги ҳолат ҳақида ўз фикрлари билан ўртоқлашди.
«Мен Дешамга тўлиқ ишонаман. У жаҳон чемпионатида ғалаба қозониб, яхши мутахассис эканлигини аллақачон исботлаб бўлган, бироқ мен Зиданни Франция терма жамоаси бош мураббийи сифатида кўришни истардим», — дея Платинининг сўзларидан иқтибос келтиради RMC Sport.
Платинининг фикрича, «Реал»нинг собиқ бош мураббийи кучли ўйинчилардан иборат терма жамоага ажойиб мураббий бўларди.
Эслатиб ўтамиз, 49 ёшли Зидан ўтган йилнинг май ойи охирида «Реал» бош мураббийлигидан кетганди. Мутахассис «қаймоқранглилар»га устози сифатида икки марта Испания чемпионати ва уч марта Чемпионлар лигасида ғолиб чиққан.