«Арсенал» Микель Артетанинг ўрнига бразилиялик мураббий Тите номзодини кўриб чиқмоқда.
Globo нашри хабарига кўра, Лондон клуби 60 ёшли мутахассисни ЖЧ-2022дан кейин таклиф қилмоқчи.
Бироқ, Goal нашрининг ёзишича, «Арсенал» Артетанинг фаолиятидан мамнун ва ёзда клуб у билан янги шартнома имзолаши мумкинлиги айтилмоқда.
Испаниялик мутахассис жамоани 2019 йилнинг декабрь ойидан бошлаб бошқариб келмоқда. Артетанинг клуб билан амалдаги шартномаси 2022 йилнинг ёзида якунига етади.
«Арсенал» бу мавсумда АПЛда 38 ўйиндан кейин 54 очко билан тўртинчи ўринни эгаллаб турибди.
