«Арсенал» афсонаси Найжел Уинтерберн «канонирлар»ни «Рома» ҳужумчиси Тэмми Абрахамни сотиб олишга чақирмоқда. Хабарингиз бор, Тэмми Италияда фаолиятини қайта тиклай олди ва Жозе Моуриньо қўл остида ажойиб ўйин кўрсатмоқда.

«У «Арсенал»нинг ҳозирги ўйинига, клуб фалсафасига мос келади. Менимча, Абрахам Англияга қайтишни хоҳламайди, сабаби у мунтазам равишда «Рома»да майдонга тушиб, голлар урмоқда. Аммо «Арсенал» бошлиқларининг ўрнида бўлганимда Тэммини ортга қайтаришга ҳаракат қилган бўлардим. «Арсенал» Абрахамнинг ўйинларини диққат билан кузатиб бориши керак», - деди Найжел.