Леверкузеннинг "Байер" клуби ярим ҳимоячиси Мусса Диаби журналистларга бошқа клублар томонидан қизиқишлар ҳақида гапирди.
"Албатта, мен бу ҳақда ўйлайман, лекин кўп эмас. Ҳали бор эътиборимни мавсумни якунлашга қаратганман. Айни пайтда бу менинг ягона ташвишим. Юқори савиядаги ўйинлар ўтказишни хоҳлайман ва Чемпионлар лигаси улардан бири. Мақсад - "Байер" билан Чемпионлар лигасига чиқиш. Мен босим остида ўйинларда қатнашишни яхши кўраман", - деди футболчи Le Parisien нашрига берган интервьюсида.
Аввалроқ футболчига "Арсенал", "Манчестер Юнайтед" ва "Ньюкасл" клублари қизиқиш билдираётгани ҳақида хабар берилганди.
