Англия терма жамоаси устози Гарет Саутгейт Италия терма жамоасининг македонияликлар билан дуэлдаги кутилмаган мағлубияти ҳақида журналистларга ўз фикрлари билан ўртоқлашди.
Саутгейтнинг сўзларига кўра, "Аззурри"нинг ҳалокати у учун катта сюрприз бўлган. Гаретнинг таъкидлашича, эҳтимол, Италия жамоасининг муваффақиятли ўйинлари ўз ниҳоясига етган ва Европа чемпионатида ғалаба қозонганидан кейин ҳеч кимда мотивация қолмаган.
Эслатиб ўтамиз, Италия терма жамоаси ярим финал плей-оффида македонияликларга сенсацион тарзда мағлуб бўлган эди.
