Италия терма жамоаси бош мураббийи Роберто Манчини "ПСЖ" ва "Манчестер Юнайтед"ни бошқаришга номзод сифатида эълон қилинди.
57 ёшли мутахассис жаҳон чемпионати йўлланмаси учун плей-офф ярим финалида Шимолий Македонияга кутилмаганда 1:0 ҳисобида мағлуб бўлгач, Италия терма жамоасидаги ўрнини тарк этиши мумкин.
Даилй Миррор хабарига кўра, "Манчестер Юнайтед" аллақачон италиялик мураббийни янги мавсум учун потенциал жамоа мураббийи сифатида киритган. Бундан ташқари, SportItalia инсайдери Жанлуижи Лонгари хабарига кўра, "ПСЖ" Манчини билан боғланган.
29 март куни Италия терма жамоаси Туркия терма жамоаси билан ўртоқлик учрашуви ўтказади. Бу ўйин Манчини учун терма жамоа бошқарувидаги охиргиси бўлиши мумкин.
