Энтони Эланга «Манчестер Юнайтед»да Криштиану Роналду билан ишлаш имконига эга бўлганидан хурсанд.

«Агар бир кун олдин ўйин ўтказган бўлсак, буни машғулотларда муҳокама қиламиз. Бундай одам билан ишлаш жуда фойдали, бу нафақат майдондаги иши, балки майдондан ташқарида қилган ишлари учун ҳам. Агар ёш футболчиларга ёрдам керак бўлса, Роналдуга мурожаат қилишимиз мумкин.

Ҳаммаси машғулот майдончасидан бошланади. Сиз ёши каттароқ футболчиларга қарашингиз, эслатма олишингиз керак. Улар билан кундалик машғулотлар менга жуда ёрдам беради. Ўйиннинг нафақат техник томони, балки тактик томондан ҳам уларнинг тўпсиз нима қилишига қарайман. Мен ўйнаганимда, ёши каттароқ йигитлар билан гаплашишни ва улардан маслаҳат сўрашни яхши кўраман, бу менга жуда ёрдам беради.

Кўпчилик ўйинчилар барқарор, мен ҳам бунга эришмоқчиман. Доимий тарзда тартибли ўйнашни хоҳлайман. Мен ишлашда давом этишим керак ва қачон ўйнаш имконияти пайдо бўлса, ундан фойдаланишим керак” - деди Эланга.