«ПСЖ» раҳбарлари ёзда Италия терма жамоаси бош мураббийи Роберто Манчинини бош мураббийликка таклиф қилмоқчи.
Инсайдер Жанлуижи Лонгари ўзининг ижтимоий тармоқларида ёзишича, Париж жамоаси бошлиқлари Манчини бошчилигидаги Италия терма жамоаси жаҳон чемпионатига чиқа олмаганидан сўнг Аппенин ороли бош мураббийлигидан кетишига умид қилмоқда. «ПСЖ» ёзда «Манчестер Юнайтед»га ўтиши мумкин бўлган Маурисио Почеттинонинг ўрнига италиялик мутахассисни таклиф қилишга жиддий ҳаракат қилиб кўради.
Эслатиб ўтамиз, Роберто Манчини Италия терма жамоасига қадар «Манчестер Сити», «Интер», Санкт-Петербургнинг «Зенит»да ишлаган.
