Икки буюк клуб тўқнашуви. Бошқа замон, бошқа макон ва бошқа инсонлар билан бўлганида, Мадрид ғалабасига шубҳа қилмаган бўлардим, аммо... Бу ЕЧЛ ярим финали, бу "Бавария"! Ҳар икки жамоа ўйнаш услуби жиҳатидан бир-бирига ўхшаш. Тезкор қарши ҳужумлар, фаол қанотлар, ўйинни ўзига оладиган футболчилар, узун ва ўрта масофадаги паслар билимдонлари ва рақиб жарима майдони ичидаги тезкор фикрлаш - мана шулар ҳар икки жамоанинг ўхшаш ва устун жиҳатлари. "Реал"да ижрочилар ва маҳорат кўпроқдек, лекин бу алдамчи кўриниш. Зоҳиран ҳамма нарса, ботинан кутилмаган (балки кутилган) ҳолатлар бисёр бўлиши мумкин. Кўп нарса Касильяс ва Нойерга боғлиқ бўладиган ўйин, назаримда. Роналду ёки Риберига эмас. Чунки уларга боғлиқ бўлиши доимий ва кўникилган шарт.

P.S. Дарвоқе, финалга қайси жамоа йўл олмасин, тақдири азал "Челси"га "қарзини" қайтармоғи лозим! "Челси" бу кубокка энг ҳақли жамоа! Улар бу машаққатли йўлни неча йиллар давомида шараф билан босиб ўтишди! Яшасин футбол! Яшасин ҳақиқат!