"Менимча “Реал” жавоб учрашувида имкон қадар ҳужумкор ўйнайди, “Бавария” эса ҳимоядан ҳаракат қилади. Мюнхенда ўтган учрашувда Жозе Моуриньонинг ўйлаб қўйган режаси иш бермагани аниқ. "Бавария" биринчи голини ургандан сўнг "Реал" футболчилари каловланиб қолдилар ва учрашув бошидаги шиддатни йўқотиб қўйдилар. Ҳатто жавоб тўпининг киритилиши ҳам ўзларига келиб олишлари учун етарли бўлмади. “Бавария” учрашув охиригача босим ўтказди ва охир оқибат ғалабани илиб кетди.
Аммо “Сантьяго Бернабеу”да бундай ўйин бўлмаса керак. Энди “Бавария” ҳисобни ушлаб қолишга ҳаракат қилади, “Реал” эса аксинча ҳужумга зўр беради. Мюнхенликлар қанотларда ўйнайдиган футболчилар ҳисобига қарши ҳужумларда ўйнайдилар. Нима бўлганда ҳам йирик ҳисоб бўлишини кутмаяпман. Агар “Реал” финалга чиқса ҳам, кўп эҳтимол билан сафарда урган ўша битта голи ҳисобига бу ишни уддалаши мумкин"
Зафар Қосимов
(“Чемпион” газетаси)
