Аввалроқ, «Манчестер Юнайтед» раҳбарияти бош мураббийликка номзодлар билан суҳбат ўтказмоқчилиги ҳақида хабар қилинганди. Таъкидланишича, «Аякс» бош мураббийи Эрик тен Хаг суҳбат давомида «Манчестер Юнайтед» раҳбариятини ҳайратда қолдирди, деб ёзмоқда The Times.
Манбага кўра, тен Хаг «Манчестер Юнайтед» бош мураббийи бўлиш учун фаворит ҳисобланади.
Қайд этилишича, манкунианликлар раҳбарияти навбатдаги бош мураббийдан жамоа ўйинига ўзига хослигини беришини истамоқда, бу эса 52 ёшли голландга бошқа номзодлардан устунлик беради.
Эслатиб ўтамиз, инглиз клуби шунингдек, «ПСЖ»дан Маурисио Почеттино, «Севиля»дан Хулен Лопетеги ва Испания терма жамоасидан Луис Энрикени ҳам тайинлаш масаласини кўриб чиқмоқда.
