«Рома» клуби «Порту» ярим ҳимоячиси Сержио Оливейро билан тўлақонли равишда шартнома имзоламоқчи.
Айни пайтда футболчи римликлар сафида мавсум охиригача ижара асосида ўйнамоқда. Бу ҳақда Николо Скира ўзининг "Твиттер"даги расмий саҳифасида ёзмоқда.
Қайд этилишича, «Рома» вакиллари футболчининг агенти Хорхе Мендес билан учрашишга тайёр. «Бўрилар» 29 ёшли футболчи учун 13 миллион евро тўлашга тайёр, футболчининг ўзи эса 2025 йилгача мўлжалланган шартномага имзо чекиши кутилмоқда.
Оливейро «Рома»га 2022 йилнинг қишида келиб қўшилганди. Бу вақт ичида футболчи Италия чемпионатида саккизта ўйин ўтказиб, иккита гол урди ва битта голли узатмани амалга оширди.
