"Барселона" клуби ярим ҳимоячиси Франсеск Фабрегас Goal.com сайтига берган интервьюсида, кечаги натижадан жамоа жуда тушкун ҳолатга тушиб қолганини айтиб ўтди.
"Футболда баъзида бундай ноҳақликлар бўлиб туради. Биз ҳар иккала ўйинда ҳам рақибдан устунлик қилдик. Аммо бу устунликни таблодаги ҳисобда акс эттира олмадик."
"Бутун ўйин давомида рақибни жарима майдонидан чиқармадик, аммо ўз дарвозамиздан голлар ўтказиб юбордик. Зарбаларимизни дарвоза тўсинлари, гоҳида устунлари қайтариб қолаверди. Омад деган нарса биздан тўлиқ юз ўгирди.
"Биз ҳозирда жуда тушкун кайфиятдамиз, аммо биз профессионалмиз ва бу оҳир кунларни тезда ёддан чиқара оламиз. "Барселона" ҳали ўз сўзини айтади, бунга шубҳа йўқ", дейди Фабрегас Goal.com сайтига берган интервьюси чоғида.
