«РБ Лейпциг» ярим ҳимоячиси Кристофер Нкунку «Бавария»нинг нишонига тушди. Бу ҳақда Bild хабар бермоқда.
Манбага кўра, ҳозирча на футболчи, на унинг агенти Пини Захави билан музокаралар олиб борилгани йўқ. Клуб ҳозирда Серж Гнабри билан шартномани узайтиришга аҳамият қаратмоқда. Агар музокаралар муваффақиятсизликка учраса ва Гнабри сотилса, Нкунку унга ўринбосар бўлади.
24 ёшли франциялик футболчи жорий мавсумда 39 та ўйинда майдонга тушиб, 26 та гол ва 15 та голли узатмани амалга оширди.