Бугун "Реал" мухлислари анчадан бери соғинган финалларига эга бўлишлари мумкин. Агар, "Бавария" кечаги "Челси"дан мастер-класс олмаган бўлса. Мен ўзим "Барселона" мухлисиман. Шундай экан, энди менга кимни ғалаба қозониши қизиғи йўқ. Иккинчи финалчи номи ким бўлади, "Бавария" ёки "Реал?"

Деярли мамлакат чемпионлигини ҳал қилган "Реал"нинг бугунги кундаги иштиёқи жуда юқори, аксига олиб "Бавария" мана бир неча йилдирки ички чемпионатида омадсиз юришини бу йил ҳам давом эттирди. Куни кеча "Боруссия" Дортмурд Германия чемпионлигини қўлга киритди. Руҳий устунлик борасида "Реал" бугун катта ташаббусга эга. Лекин битта "лекини" томони ҳам бор. Бугунги ўйиннинг жозибасига соя солиши мумкин бўлган омил, бу икки жамоанинг ҳам бир йўла 8 нафар футболчиларининг ҳисобларида сариқ карточкалари бор. "Реал"дан Рауль Альбиоль, Альваро Арбелоа, Анхель Ди Мария, Лассана Диарра, Рикарду Карвалью, Пепе, Криштиану Роналду, Сами Хедира. "Бавария"дан эса Хольгер Бадштубер, Марио Гомес, Ивица Олич, Рафинья, Франк Рибери, Арьен Роббен, Анатолий Тимошчук, Бастиан Швайнштайгер.

Бу еда Бранислав Иванович, Рауль Мейрелеш ва Рамирес финалда ўйнай олмайдилар. Шундай экан бугун икки жамоа ҳам эҳтиёткор ҳаракат қилишга мажбурлар.

"Реал" эса нафақат учрашувнинг, балки финал фоворити бўлса ажаб эмас. "Барселона"дан фарқли равишда, "Реал"да узоқдан кучли ва аниқ зарба йўллай оладиган Роналду бор. Агар финал "Бавария"ники бўлса, Роббен ҳамда Швайнштайгер катта саҳнага чиқади.

Нодирхўжа ЮЛДАШЕВ,
"Чемпионат.уз" портали маъмури