Россия Футбол Иттифоқи директори Андрей Лексаков журналистларга Россия терма жамоаси яқин келажакда ўртоқлик ўйинлари ўтказиши мумкин бўлган жамоалар ҳақида гапириб берди.
Лексаковнинг "Р-Спорт" нашрига айтишича, РФИ ФИФА раҳбарлари Россия терма жамоасига Осиё термалари билан ўртоқлик ўйинлари ўтказишга рухсат беришига умид қилмоқда. Лексаков Европа жамоаларининг бир тўхтамга келиши деярли имконсиз бўлишини, бироқ Хитой, Эрон, Қозоғистон, Ўзбекистон, ҳаттоки Шимолий Корея терма жамоамиз билан ўйнаши мумкинлигини таъкидлади.
Эслатиб ўтамиз, Украинадаги вазият туфайли ФИФА ва УЕФА раҳбарлари Россия терма жамоасини халқаро ўйинларда иштирок этишдан четлатган эди.
