Самарқанднинг «Динамо» клуби ҳамда миллий терма жамоамизга номзод бўлган футболчи Иван Нагаев учун 24 апрель ҳаётидаги энг қувончли кунлардан бири сифатида ёдда қоладиган бўлди.
Айнан ушбу кунда 22 ёшли иқтидорли ҳужумчи оталик бахтига муяссар бўлди. Футболчининг оиласида ўғил фарзанд дунёга келди. Чақалоққа яхши ниятлар билан Артур дея исм қўйишди. Бу ҳақда "Динамо" клуби расмий сайти хабар тарқатмоқда.
Ушбу қувончли воқеа муносабати билан «Динамо» футбол клуби ҳамда футболчининг минглаб мухлислари номидан Иван Нагаевни чин дилдан табриклаймиз. Фарзандига узоқ умр, бахт-саодат тилаб, келажакда отаси сингари ватан учун хизмат қиладиган мард йигит бўлиб вояга етишини тилаймиз, деб ёзади клуб расмий сайти.