Каталониянинг «Барселона» клуби президенти Жоан Лапорта Европа Суперлигаси лойиҳаси ҳақида гапирди.

Маълумки, бу лойиҳа муваффақиятсизликка учради, аммо Лапорта каби футбол одамлари унинг мумкин бўлган фойдали томонлари ҳақида гапиришда давом этишмоқда.

“Суперлига лойиҳаси тирик. Бизга эркин рақобат керак. Бу ғоялар эртами-кечми ғалаба қозонади. Ушбу мусобақа дунёдаги энг жозибали мусобақага айланиши керак. Бу Чемпионлар лигасининг такомиллаштирилган версияси бўлади.

Бизга УЕФА раҳбарияти билан конструктив мулоқот керак. Клуб давлатлари УЕФА билан ёнма-ён юради деган ҳақиқатни қабул қилиб бўлмайди. Европа футболида хўжайинлар бўлиши мумкин эмас.

АПЛнинг кўплаб клублари Суперлига тарафдори, аммо ҳозирча сукут сақламоқда. Улар суд қарорини кутишмоқда”, - деди Лапорта.