Бугун Олий лиганинг олтинчи туридан ўрин олган икки учрашув бўлиб ўтди. Пойтахтимиздаги "Жар" стадионида амалдаги чемпион – "Бунёдкор" Бекободнинг "Металлург" клубини қабул қилган бўлса, Муборакда "Қашқадарё дербиси" бўлиб ўтди.
"Қалдирғочлар" ўйинда катта устунликка эга бўлиб, номинал ҳужумчи Анваржон Солиевнинг дубли ва австралиялик легионер Дэвид Карни томонидан киритилган голлардан сўнг йирик ҳисобда олдинга чиқиб олишган бўлса, Рустам Мирсодиқов шогирдлари ўйин сўнгида 1 та гол билан жавоб бера олишди. Гол муаллифи – иккинчи бўлимдан майдонга туширилган Шаҳзодбек Нурматов.
Муборакда ўтган маҳаллий "Машъал" ва Қаршининг "Насаф" клублари ўртасида ўтган ўйинда ҳисоб очилмади – 0:0.
ОЛИЙ ЛИГА-2012, 6-ТУР
БУНЁДКОР (Тошкент) – МЕТАЛЛУРГ (Бекобод) 3:1 (1:0)
Голлар: Анвар Солиев (41), Дэвид Карни (76), Анвар Солиев (89) - Шаҳзодбек Нурматов (90).
Огорҳлантиришлар: Анвар Ғофуров (66) – Файзулло Аҳмедов (78)
БУНЁДКОР: Игнатий Нестеров, Акмал Шораҳмедов, Хайрулла Каримов (Славолюб Жоржевич, 86), Анвар Ғофуров, Дэвид Карни, Жавлон Иброхимов, Лутфулла Тўраев (Руслан Мельзиддинов, 79), Анваржон Солиев, Виктор Карпенко (Баҳодир Пардаев, 82), Саҳоб Жўраев, Ян Козак
МЕТАЛЛУРГ: Маъмур Икромов, Одил Исабоев (Шаҳзодбек Нурматов, 46), Саидкамол Акбаров, Ҳикмат Ҳошимов, Дилмурод Каримов, Дониёр Одилов (Боян Калевич, 86), Шуҳрат Юлдошев, Файзулло Аҳмедов, Даврон Каримқулов, Зохид Абдуллаев (Сардор Расулов, 46), Руслан Вагапов.
Бош ҳакам: Шерзод Қосимов
26 апрель. Тошкент. "Жар" стадиони. 3000 томошабин.
НАСАФ (Қарши) - МАШЪАЛ (Муборак) 0:0
Огоҳлантиришлар: Шаҳзод Шайманов (32), Дилявер Ваниев (78)
МАШЪАЛ: Санжар Қувватов, Алик Ҳайдаров, Дилявер Ваниев, Илья Фомичёв, Элдор Эргашев (Тони Линдберг 90), Самандар Шодмонов, Мирзоҳид Ғафуров, Игорь Петкович, Габит Сапаргалиев, Шаҳзод Шайманов, (Шерзод Файзиев 80) Темур Дадашев, (Ғ. Ғуломов 86)
НАСАФ: Ғайрат Ҳасанов, Шерзод Аъзамов, Мақсуд Каримов, Ботир Қораев, Андрей Переплёткин, Носир Отақўзиев (Кенжа Тўраев 56), Артур Геворкян, Фозил Мусаев, Иван Бошкович, Эркин Бойматов (Шуҳрат Мирҳолдиршоев 77), Боян Малишич
Бош ҳакам: Валентин Коваленко
26 апрель. Муборак. Б.Вафонв номли. 5000 томошабин.
"Бунёдкор" ва "Насаф" ОЧЛ 5-тури доирасида сафар учрашувларига отланишаётгани сабабли улар иштирокидаги ўйин эртароқ бўлиб ўтганини таъкидлаш жоиз. "Бунёдкор" Австралияга – "Аделаида Юнайтед"га қарши майдонга тушиш учун йўл олса (Ўйин 2 май куни Тошкент вақти билан 15:30 да бошланади), "Насаф" Бирлашган Араб Амирликларининг "Ал-Жазийра" клуби стадионига сафар қилади (Ўйин шу куни соат 20:45 да бошланади).
Эртага Олий лига доирасида яна бир учрашув бўлиб ўтади. "Пойтахт кичик дербиси" — "Локомотив"-"Пахтакор" учрашуви ТТЙМИ стадионида соат 16:00 да бошланади. Индинга "Қизилқум"-"Динамо", "Навбаҳор"-"Бухоро", "Шўртан"-"Олмалиқ" учрашувлари ўказилса, 6-турни 29 апрель куни "Водийнинг кичик дербиси" – "Андижон"-"Нефтчи" учрашуви якунлаб беради.
