Европа Чемпионлари Лигасининг 1/4 финал жавоб учрашув доирасида бўлиб ўтган «Барселона» ҳамда «Реал» аёллар жамоалари ўртасидаги учрашувга рекорд даражадаги томошабин ташриф буюрди.
«Камп Ноу»да Чемпионлар лигасининг 1/4 финали доирасида бўлиб ўтган ўйинни томоша қилиш учун 91 553 томошабин ташриф буюрди ва бу аёллар футболи учун рекорд кўрсаткичга айланди. Учрашув «Барселона»нинг 5:2 ҳисобидаги ғалабаси билан якунланди.
Аввалги рекорд 2019 йилда Англия ва Германия аёллар терма жамоалари ўртасида «Уэмбли»да ўтказилган ўйинда қайд этилганди. Ўша учрашувни томоша қилиш учун 77 768 нафар мухлис келганди.
