Ўзбекистон миллий терма жамоасининг ЖЧ-2014 тўртинчи саралаш босқичидаги рақиблари Эрон ва Ливан терма жамоалари халқаро ўртоқлик ўйинларида майдонга тушишади.

Форслар 26 май куни Туркиянинг Истанбул Ироққа қарши ўртоқлик ўйинида майдонга тушади. Сабаби Эрон миллий терма жамоаси Ўзбекистонга қарши 3 июнь куни бўлиб ўтадиган ўйинга тайёргарликни айнан Истанбулда олиб боради.

Карлуш Кейруш мураббийлигидаги Эрон Туркиядаги йиғин давомида фақатгина Ироқ билан чекланиб қолмоқчи эмас. Режага кўра Ироқдан ташқари яна битта ўртоқлик ўйини ўтказилиши керак. Май ойида Туркияда йиғин олиб бориши катта эҳтимол бўлган Япония миллий терма жамоаси бу борада Эронга рақиблик қилиши мумкин.

Ливан миллий терма жамоаси эса 18 май куни Иорданияга қарши майдонга тушади. Бу ҳақда ФИФА расмий сайти хабар қилмоқда.

ЖЧ-2014 IV саралаш босқичини ливанликлар Байрутда Қатар миллий терма жамоасига қарши ўйин билан бошлашса, 8 июнь куни мазкур шаҳардаги «Спорт Сити» аренасида Ўзбекистонга қарши саралашнинг 2-тур ўйини бўлиб ўтади.

Қайд этиш керак, Ливан 3-саралаш босқичида Кувайт ва БАА миллий терма жамоаларини ортда қолдиришга муваффақ бўлганди. Сўнгги Осиё Кубогида бронза медалларига эга чиққан Жанубий Корея терма жамоаси ҳам Байрутда имкониятни бой берган – 1:2.