Super Deporte хабарига кўра, «Манчестер Сити» «Барселона» ҳимоячиси Роналд Араухо билан шартнома имзолашга яқин турибди. 23 ёшли уругвайлик футболчига «Арсенал», «Манчестер Юнайтед» ва «Челси» ҳам қизиқиш билдирмоқда. У «Камп Ноу» эгалари раҳбарлари билан шартнома узайтириш борасида келиша олмаяпти.
Араухонинг амалдаги шартномаси 2023 йилда тугайди ва ёзда «Барса» ўз иқтидорини сотишга мажбур бўлиши мумкин, лекин улар уругвайлик футболчи ортидан яхшигина пул ишлашлари мумкин. «Ман Сити» раҳбарияти фикрича, Роналднинг ҳимоя марказидаги ишончли ўйинлари Рубен Диас билан жамоани янада кучлироқ қилади.
