Яқиндагида мавсум давомида "Челси"дан ҳайдалган португалиялик мутахассис Андре Виллаш-Боаш "Барселона"ни бошқаришга тайёр эканлигини билдириб, Каталония клуби раҳбарияти билан бу борада алоқага ҳам чиққан, деб хабар қилади Испаниянинг Sport газетаси сайти.
BBC телекананининг хабар беришича, кеча "Барселона"нинг амалдаги мураббийи Хосеп гвардиола клуб президенти Сандро Россель билан учрашиб, узоқ суҳбатлашган ва клубда бошқа ишлай олмаслигини айтиб ўтган. Кутилишича, 41 ёшли мутахассис 1 йил танаффус олади.
"Биздаги маълумотларга кўра, португалиялик мураббий Андре Виллаш-Боаш аллақачон клуб раҳбарияти бюилан алоқага чиқб, агар Хосеп Гвардиола мавсум сўнгида клубни тарк этадиган бўлса, жамоада ишлаш хоҳиши борлигини айтиб ўтган", - дейилади испан газетаси сайтида.
Андре Виллаш-Боаш жорий мавсум бошида "Порту"дан "Челси"га ўтган ва "кўклар" билан уч йиллик шартнома имзолаган эди. Бироқ қониқарсиз 2012 йилнинг 4 март куни Англия Премьер-лигасининг 27-турида "Вест Бромвич"дан 0:1 ҳисобидаги мағлубиятни қабул қилиб олгач, истеъфога чиқарилган эди. Айни вақтда у ишсиз ҳисобланади.
