31 март куни Англия Премьер-лигаси етакчиларининг йиғилиши бўлиб ўтди. У ерда алмаштиришлар, ёзги трансфер ойнаси ва коронавирусга қарши кураш чоралари бўйича янги қарорлар қабул қилинди.
Унга кўра, 2022/23 йилги мавсумдан бошлаб клубларга бешта алмаштиришдан фойдаланишга рухсат берилади, улардан учтаси ўйин давомида яна иккитаси танаффус вақтида.
Ёзги трансфер ойнаси эса 10 июнь куни очилади ва 2 сентябрга ўтар кечаси ёпилади.
Шунингдек, Премьер-лига раҳбарияти ҳафтасига икки марта ўтказилиши керак бўлган ўйинчилар ва ходимларнинг коронавирус тестини бекор қилиш тўғрисида қарор қабул қилди.
