"Реал Мадрид" ҳимоячиси Марсело ўйин амалиёти кам бўлишига қарамай, кейинги мавсумда испан жамоасида қолишни режалаштирмоқда. Бу ҳақда Football Espana хабар берди.
Манбага кўра, бразилиялик футболчи Испания пойтахти Мадриддаги ҳаётидан завқланади, шу боис у кейинги мавсумда ҳам "Реал"да қолишни режалаштирмоқда.
33 ёшли Марсело испан клубида 2007 йилдан буён ўйнаб келмоқда.
Жорий мавсумда бразилиялик футболчи барча мусобақаларда 14 та ўйин ўтказиб, битта голли узатмани амалга оширди. Марселонинг "Реал" билан шартномаси мавсум охирида якунига этади. Transfermarkt ҳимоячининг бозор нархини 3 миллион еврога баҳолаган.
