"Милан" спорт директори Паоло Мальдини "Реал" ҳужумчиси Гарет Бэйлнинг агенти билан футболчининг келажаги ҳақида гаплашди, дея хабар беради журналист Руди Галетти.
Манбага кўра, функционер уэльслик футболчи келаси мавсумда қанча маош олмоқчи эканлигини аниқлашга қарор қилган.
32 ёшли футболчининг "Реал" билан шартномаси мавсум охирида тугайди, мадридликлар эса келишувни узайтирмоқчи эмас.
Жорий мавсумда Бэйл мадридликлар сафида 5 та ўйинда қатнашиб, 1 та гол уришга муваффақ бўлди. Унинг клуб билан шартномаси 2022 йилнинг 30 июнига қадар мўлжалланган.
