"Манчестер Сити" "Барселона" ҳимоячиси Рональд Араухони ўз жамоасига қўшиб олиш бўйича келишувга эришишга яқин турибди. Бу ҳақда Super Deporte хабар бермоқда.
Манбага кўра, 23 ёшли уругвайлик футболчи "Барселона" билан 2023 йилда тугайдиган шартномани узайтириш бўйича келишувга эриша олмаган. Араухо билан яна учта инглиз жамоаси шартнома имзолашни хоҳлайди. Гап "Арсенал", "Манчестер Юнайтед" ва "Челси" ҳақида кетмоқда.
Маълумот учун, уругвайлик ҳимоячи 2018 йилда "Барселона" футболчисига айланганди. Жорий мавсумда футболчи 33 та ўйинда майдонга тушиб, 4 та гол урган.
