"Манчестер Юнайтед" бош мураббийи Ральф Рангник "қизил иблислар" билан шартномаси жорий мавсум охирида якунига етадиган ярим ҳимоячи Поль Погба билан боғлиқ вазият ҳақида фикр билдирди.
“Менимча, унинг яқинда берган интервьюсида айтганларини тушунтириш мантиқий эмас. Бу мантиққа тўғри келмайди”, - деди Рангник Англия Премьер-лигасининг “Лестер”га қарши уй ўйини олдидан матбуот анжуманида.
Эслатиб ўтамиз, яқинда Поль Погба "Манчестер Юнайтед"да совринсиз қолишдан йилдан йилга чарчаганини айтган эди. Франциялик футболчи мавсум якунида эркин агент сифатида Туриннинг "Ювентус" ёки "ПСЖ" клубига ўтиши мумкин.