"Manchester Yunayted" bosh murabbiyi Ralf Rangnik "qizil iblislar" bilan shartnomasi joriy mavsum oxirida yakuniga yetadigan yarim himoyachi Pol Pogba bilan bog‘liq vaziyat haqida fikr bildirdi.
“Menimcha, uning yaqinda bergan intervyusida aytganlarini tushuntirish mantiqiy emas. Bu mantiqqa to‘g‘ri kelmaydi”, - dedi Rangnik Angliya Premyer-ligasining “Lester”ga qarshi uy o‘yini oldidan matbuot anjumanida.
Eslatib o‘tamiz, yaqinda Pol Pogba "Manchester Yunayted"da sovrinsiz qolishdan yildan yilga charchaganini aytgan edi. Fransiyalik futbolchi mavsum yakunida erkin agent sifatida Turinning "Yuventus" yoki "PSJ" klubiga o‘tishi mumkin.
