"Барселона" ҳимоячиси Жерар Пике Каталония мустақиллиги учун ҳаракат ҳақида гапирди.
«Менимча, Каталония мустақиллигини қўллаб-қувватлаш ва шу билан бирга Испания терма жамоасида ўйнаш мумкин. Шундай футболчилар борки, Испания терма жамоасида ўйнайди, лекин ўзини испанлардек ҳис қилмайди.
Мен Каталония мустақиллигини қўллаб-қувватлайманми ёки йўқми, сизга айтмоқчи эмасман. Овоз бериш (Каталония мустақиллиги бўйича 2017 йилги референдумда) яширин эди, ҳар ким шахсий ҳаётини яшириш ҳуқуқига эга, бу мансабга салбий таъсир кўрсатмаслиги керак.
Одамлар ўзларини испанлар эканликларини ҳис қилмаган ҳолатлар кўп бўлган. Ўзини мамлакатга тегишли эканлигини ҳис қилиш нимани англатади? Қандайдир рақобат борми? Агар сиз кўпроқ испан бўлсангиз, ғалаба қозондингизми?
Мен буни ҳар доим ўз ишимнинг бир қисми сифатида қабул қилганман. Мухлис кимни афзал кўради: терма жамоада яхши ўйнаб ватанни севмаганними ёки ватанни севиб, ёмон ўйнаганми?" - деди Пике The Wild Project билан суҳбатда.
